مامۆستا مه‌لا عوسمان شێرەیی : كردنەوەی ئاگری نەورۆز هیچ كێشەیەكی شه‌رعی نییە

هەواڵی / 19/3/2017 1679 جار بینراوە

مامۆستا مه‌لا عوسمان شێرەیی : كردنەوەی ئاگری نەورۆز هیچ كێشەیەكی شه‌رعی نییە

شه‌ن پرێس :
هەندێك لە مەلا و بانگخوازی ئاینیی بانگەشەی ئەوە دەكەن بەشداربوون لە ئاهەنگ و یادی نەورۆزدا ڕێگەپێدراوە بەڵام كردنەوەی ئاگری نەورۆز جائیز نییە.

هەندێك لە بانگخوازەكان بە بیدعە و بۆنەی خورافیاتی لە قەڵەم دەدەن و بۆ ئایینی مەجووسییەتی دەگێڕنەوە، هەندێكی تریشیان بە پێچەوانەوە ئاگركردنەوەی نەورۆز بە جائیز دەزانن و دەڵێن ״هیچ كێشەیەكی تێدا نییە.״

مامۆستا مه‌لا عوسمان شێرەیی خوێندكاری دكتۆرا و هەڵگری بروانامەی ماجیستێر لە تەفسیر و علوومی قورئاندا ئەوەی بۆ ڕۆژنامەی ״ئاژانس״ ڕوون كردەوە كە ״كردنەوەی ئاگری نەورۆز هیچ كێشەیەكی نییە لە ڕووی شەرعییەوە، بە مەرجێك پیرۆزی نەدرێتە ئەو ئاگرە و تەنیا مەبه‌ست لێی خۆشیدەربڕین بێت بە بۆنەی سەركەوتن یان هەر شتێكی دیكەوە.״

مامۆستا عوسمان شێرەیی كە هاوكات پێشنوێژ و وتارخوێنی مزگەوتی ئیسماعیل پێغەمبەرە لە شاری سلێمانی جەختی كردەوە، كە خۆگۆڕین و بەشداربوون لە موناسەبە و ئاهەنگی نەورۆزدا هیچ كێشە و بەربەستێكی شەرعیی نییە، بەو مەرجەی ئەگەر لەو بۆنە و ئاهەنگانەدا مەیخواردنەوە و تێكەڵاویی ناشەرعی ڕوو نەدات، ئەوەش وەك هەر موناسەبەیەكی دیكەی تر كە ئەگەر شەرعیش بێت وەك مارەبڕین و بەشوودان كە ئاهەنگێكی شەرعییە، ئەگەر تێكەڵاوی و مەیخواردنەوەی تێدا ڕوو بدات دەبێتە ناشەرعی و بەشداربوون تێیدا گوناحبارییە.

هەروەك مامۆستا عوسمان شێرەیی ئەوەشی نەشاردەوە كە بەشداربوون لە نەورۆزدا ئەگەر وەك پەرستش و عیبادەت سەیر بكرێت، ئەوە دەچێتە سنووری قەدەغەكراوەكانەوە و بەشداربوون لەو بۆنانەدا ڕێگەپێدراو نییه‌.

مامۆستا عوسمان ڕوونی كردەوە ״كوردیش وەك نەتەوە و گەلێكی سەربەخۆ لە ناوچەكەدا دابونەریتی تایبەت بە خۆی هەیە و ئیسلامیش ڕێزی لە دابونەریت و بەها و كولتووری گەلەكان ناوە، مادام دژی بەها و ئاكارە ئیسلامییەكان نه‌بێت.״ مامۆستا عوسمان زیاتر دەڵێت: ״ئیسلام لە سەردەمی فەرمانڕەوایەتیی سەدەكانی خۆیدا بەها و نەریتی هیچ كۆمەڵگە و نەتەوەیەكی پێشێل نەكردووە و دژی هیچ نەتەوەیەك نەجەنگاوە وەك نەتەوە، بەڵكو ئایینی ئیسلام دژی ستەم و ئاكارە ناباو و ناڕەواكان كاری كردووە.״
ئاژانس – ئیسماعیل حەمەڕەحیم




خـێـزان

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

دكتۆره‌ سه‌وسه‌ن: منداڵبوون به‌ڕێی سروشتی باشتره‌ و زیانه‌كانیشی كه‌متره‌

بۆ منداڵی نۆبه‌ره‌ ژنی دووگیان ده‌بێ 11 جار سه‌ردانی پزیشك بكات

شەکرەی ماوەی دووگیانی ئافره‌ت چییه‌؟

د.هەرێم که‌ریم ئه‌حمه‌د

زۆرترین بینراو