#كۆمه‌ڵ # چواره‌مین كۆنگره‌ی كۆمه‌ڵ #دەستگیركراوانی بادینان
نوێكاری و بەخۆدا چوونەوە/زنجیرەی نۆیەم

وتار/ پێش 1 هەفتە 71 جار بینراوە

موحسین حسێن

نوێكاری و بەخۆدا چوونەوە/زنجیرەی نۆیەم

شێخ موحسین حوسێن
********************
✍🏻 زنجیرەی نۆیەم 9️⃣ : هەنگاوی بە جەماوەریبوون
سەرەتا پێویستە ئەو پرسیارە لەخۆمان بكەین :
1️⃣  ئایا جەماوەر دەكەینە حزبی ؟
2️⃣  یان حزب دەكەینە جەماوەری ؟
ئێمە زۆر جار بێ‌ ئەوەی بە خۆمان بزانین لە ئیشی یەكەم هەڵدەچین و خۆمانی تیا ماندو دەكەین ، نازانین كە ئەم دوو هەنگاوە دوو پرۆسەی زۆر لەیەك جیاوازن ، یەكەمیان ( جەماوەر كردنە حزبی ) كات و توانا بەفیڕۆ دانە و لە ئەنجامدا بەرهەمێكی زۆر كەم دەدات بە دەستەوە ، چونكە هیچ كات جەماوەر ئامادە نییە بۆ پارتێك یان ڕەوتێك یەكلابێتەوە.
كەواتە ئەصڵ ئەوەیە ئێمە خۆمان بە هەنگاوی دووەمەوە مەشغوڵ بكەین ( حزب بكەینە جەماوەری ) و پلان و نەخشەڕێ‌ بۆ ئەو پرۆسەیە ئامادە بكەین و هەوڵدەین پێگەی سەركردە و كادیرەكان لە نێو جەماوەردا بەهێزتر بكەین ، تا هەر یەكەیان وەك ( موغناتیس ) بتوانێ‌ كەسوكار و هاوڕێ‌ و دراوسێكانی لە دەوری خۆیان خڕ بكەنەوە و جێی متمانەی دەور و بەریان بن ، بۆ ئەمەش دەخوازێت كە تێڕوانیمان بۆ ئەم هەنگاوە ( حزب كردنە جەماوەری ) بچوك ‌و كون كون نەبێت.
مەبەست چییە لە دەستەواژەی ( بچوك و كون كون نەبێت ) ؟
واتە نابێت بە ( شلیفێكی بچوكی كون كون ) ەوە هەوڵدەین بەرهەمی پڕ بەرەكەتی ئەم كاروانە خڕكەینەوە و وابزانین دەتوانین هەمووی تێترنجێنین ، چونكە ئەم كورت بینی ‌و تەسك بینیەی ئێستا هەمانە ، وایكردووە كە نە جێگای ئەو جەماوەرە زۆرەی تیا ببێتەوە ، وە هەم ئەوەش كە  تێی دەكەین بەردەوام لێی هەڵوەرێت ، كەواتە هەنگاوی بە جەماوەریبوون دەخوازێت عەقڵ ‌و فیكرمان گەورەتر و فراوانتر كەین تا بەرهەمێكی زیاتر بدروینەوە و ڕێژەی خەسارەش كەمتر كەینەوە.
چاوەڕێی ( زنجیرەی دەیەم 🔟 ) بن.

نوێترین نوسینەکانی موحسین حسێن

خـێـزان

زیانه‌كانی‌ به‌كارهێنانی‌ ده‌رمانه‌ سێكسیه‌كان

هه‌ندێكن له‌ زیانه‌كان و كاریگه‌رییه‌ خراپه‌كانی‌

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

شەش ڕێگای سروشتی بۆ ڕزگاربوون لە پەڵەی سەر ددان

جگە لە ددان شوشتن بە فلچە و هەویر