گه‌نجێكی هه‌ولێر ڤیدیۆی خۆی بڵاوده‌كاته‌وه‌ كه‌ له‌لایه‌ن له‌ ئه‌ندامانی پارتی رووبەڕووی هێرش بۆتەوە.

ڤیدیۆ/ 2/11/2017 654 جار بینراوە

گه‌نجێكی هه‌ولێر ، له‌لایه‌ن ژماریه‌كی زۆر له‌ ئه‌ندامانی پارتی توشی لێدوان و سوكایه‌تی ده‌بێت .

شه‌ن پرێس :


پۆلیسێکى پێشووی بەرگری شارستانی هەولێر بەناوى شڤان ئازاد، گرتەیەکى ڤیدۆى خۆى لە تۆڕى کۆمەڵایەتى فەیسبووک بڵاوکردەوە و تیایدا باس له‌وه‌ ده‌كات له‌لایه‌ن ژماره‌یكی زۆر له‌ لایه‌نگرانی پارتی هێرشی كراوه‌ته‌ سه‌ر و ئازارێكی زۆریانداوه‌ و ده‌م و چاوو و ڕووخسارییان شێواندوه‌ .

رۆژنامه‌نووس و كادیرێكی ده‌ست له‌كاركێشاوه‌ی پارتیش ده‌ڵێت : سوپڕایزەکەی پارتی ئاشکرا بوو؟! بەڕاست ئەمە لە تۆڵەی کەرکوکە لە حەشدی شەعبی یان لە تۆڵەی شنگال و مەخمورو زمارە؟! نانا رەنگە لە تۆڵەی ژنانی ئێزیدی بێت؟!

ئیبراهیم عه‌باس رۆژنامه‌نووس و كادیری ده‌ست له‌كاركێشاوه‌ی پارتی له‌ تۆڕی كۆمه‌ڵایه‌تی فه‌یسبوك ده‌لیت : بەتوندی هەڵکوتانە سەر کاک شڤان ئازاد شەرمەزار ئەکەم، کە لەلایەن بەڵتەجییەکانی پارتی  رووبەڕووی هێرشێکی وەحشیگەر بۆتەوە.

ده‌شڵێت : شڤان دەنگێکی ئازای شاری هەولێرەو جگەلەوەی لەسەر رەخنە لە حکومەتەکەی پارتی لە دەوام دەرکرا،  دەست بەسەر ماڵ و مومتەلەکاتەکانیدا گیرا.

له‌ كۆتایدا ده‌ڵێت : شکۆمەندی بۆ شڤان ئازاد و دەستی ئەو کەسانەو ئەوانەی فەرمانیان کرد بشێت و بەر شەق و تۆڵەی خودای گەورە بکەون؟!


شڤان ئازاد مسته‌فا له‌ به‌رواری 7/8/1987 له‌ گه‌ڕه‌كی سه‌یداوه‌ی شاری هه‌ولێر له‌ دایك بووه‌ ، ساڵی 2002 ژیانی هه‌وسه‌رگیری پێكهێناوه‌ و خاوه‌نی دوو منداڵه‌ .
دوای بڵاوبوونه‌وه‌ی گرته‌یه‌كی ڤیدیۆیی له‌ ساڵی 2015  به‌ بێ ئه‌وه‌ی ناوی هیچ لایه‌نیك بهێنێت بۆماوه‌ی دوو هه‌فته‌ زیندانی كرا .

ڕۆژی 19ی حوزیه‌یرانی 2017 به‌ بێ ئاماده‌بوونی شڤان ، دادگای هێزه‌كانی ئاسایشی ناوخۆ بڕیاری زیندانی كردنی بۆ ماوه‌ی 5 ساڵ بۆ ده‌ركرد به‌ پاشمله‌ .



زۆرترین بینراو