هۆشیار عەبدوڵڵا: مەلا بەختیار خەمی بارزانیەتی نەك پەرلەمان

ڤیدیۆ/ 5/8/2017 795 جار بینراوە

no

هۆشیار عەبدوڵڵا: مەلا بەختیار خەمی بارزانیەتی نەك پەرلەمان
“هێرشەکانی بۆ سەر گۆڕان هیچ نین جگەله ڕێخۆشکردن بۆ  30ی حوزەیرانێکی تر”
شه‌ن پرێس:

هۆشیار عەبدوڵا، پەرلەمانتاری گۆڕان لە پەرلەمانی عێراق، لە وەڵامی قسەكانی مەلا بەختیاردا رایگەیاند”هێرشەکانی کاک بەختیار بۆ سەر گۆڕان هیچ نییه جگە لەڕێخۆشکردن بۆ ئەوەی 30ی حوزەیرانێکی تر بۆ بارزانی لە پەرلەمان بە ناوی کاراکردنەوەیەوە، ئەنجام بدرێت، لێرەوە ئەو خەمی بارزانیەتی نەک پەرلەمان”.

ئەو وتانەی هۆشیار عەبدوڵام پاش ئەوە دێن كە دوێنێ(هەینی) مەلا بەختیار، بەرپرسی دەستەی کارگێڕی مەکتەبی سیاسی یەکێتی لەکۆڕێکدا لەناحیەی ئاشتی لەکۆیە ڕایگەیاند“پەرلەمان خەڵک تێکیداو یەکێتی چاکیکردەوە، پەرلەمان هەر ئەوە نەبو کە پارتی بڕیاری داخستنیدا، بەڵکو کەشێک لەناو پەرلەمان دروستبو هیچ متمانەیەکی نەما.”

 وتیشی‌، “دەبێت ئەمجارە بچینە ناو پەرلەمان‌و ئاوەزو ژیری زاڵبێت، نەک تێکشکاندنی یەکتر”.

لەبەرامبەر ئەوەدا هۆشیار عەبدوڵا لە نوسینێكدا لە لاپەڕەی خۆی لە فەیسبوك نوسیویتی”کاتێک سیاسیەکی وەک کاک بەختیار، ڕون و ئاشکرا بانگەشە بۆ سیاسەتەکانی پارتی ئەکا و کاراکردنەوەی پەرلەمان بەو زمانە سەطحی و سادەیە دەخاتەڕو، یەکەم کاری گۆڕان دەبێ ئەوە بێ لەگەڵ ئەو گەمە سیاسە نەڕوا، کە ناوبراو بە دەستی دو دیعایەی بۆ ئەکا”.
وتوشیەتی”بارزانی ، کە زانی پەرلەمان ڕێگا ئەگرێ لە ئەجێندا شەخصی و حزبیەکانیی دایخست ، ئێستا کە ئەزانێ کردنەوەی دەرگای پەرلەمان خزمەت بە ئەجێنداکانی ئەکا، ئەیەوێ بیکاتەوە”.
ئەو پەرلەمانتارەی گۆڕان لە بەشێكی دیكەی نوسینەكەیدا وتویەتی”هەڵبەتە خۆڕاگری گۆڕان و فشارە ناوخۆیی و دەرەکیەکان ئاشکران، بەڵام کام فشار و کام هەوڵ کاک بەختیار تیایدا بەشداربوە وا ئەیکاتە منەت؟ مەگەر ئەو لەوەتەی پەرلەمان داخراوە لە هەمو بۆنەیەکا بۆ زیاتر ڕازیکردنی بارزانی هێرش ناکاتە سەر گۆڕان و سەرۆکی پەرلەمان؟! مەگەر ئەو کە خۆی بە سوپەرمانی دیموکراسی ئەزانێ ، ئەو کاتەی بارزانی پەرلەمانی داخست توانی لە ئاستی گەورەیی کودەتاکە ڕەخنە لەو بەدکاریەی پارتی بگرێ؟! بەڵکو پاساوی بۆ کارەکەی پارتی نە ئەهێنایەوە و گۆڕانی تۆمەتبار نەئەکرد؟ ئەوە نیە ئێستاش بۆ ڕازیکردنی زیاتری بارزانی ئەیەوێ گۆڕان تۆمەتبار بکا بەوەی ڕێگە ئەگرێ لە کاراکردنەوەی پەرلەمان”.
جەختیشكردۆتەوە “گەمەی سیاسی لە کوردستان هیچی لێ سەوز نابێ ، ئەگەر لە ڕیشەوە گۆڕینی تیا نەکرێ ، یەکەم هەنگاوی گۆڕین بریتیە لە بێ ئومێدکردنی سیاسیەکانی شێوەی کاک بەختیار کە ئەندازیاری کودەتای سی حوزەیرانی ساڵی ۲۰۱۳ و درێژکردنەوەی ویلایەتی بارزانیە، کە تا ئێستا بە دایکی کێشە سیاسیەکان دائەنرێ و قوڕێکە، کاک بەختیار و ئەو هاوڕێیانەی بۆ خەڵکی کوردستانیان گرتۆتەوە کە بەتەواوی ئاڵای سپیان لە ئاست پارتی بە گشتی و خودی بارزانی بە تایبەتی هەڵکردوە”.
لە كۆتاییشدا وتویەتی”هێرشەکانی کاک بەختیار بۆ سەر گۆڕان هیچ نیه جگە له ڕێخۆشکردن بۆ ئەوەی ۳۰ی حوزەیرانێکی تر بۆ بارزانی لە پەرلەمان بە ناوی کاراکردنەوەیەوە، ئەنجام بدرێت، لێرەوە ئەو خەمی بارزانیەتی نەک پەرلەمان”.

زۆرترین بینراو